Carl Petter Opsahl

Carl Petter Opsahl (f. 1964) er klarinettist, bassklarinettist, komponist, prest og førsteamanuensis ved Menighetsfakultetet, der han underviser i praktisk teologi. Han blir rekna som ein av Noregs fremste og mest produktive klarinettistar. Han har éin fot i jazzen, éin i tradisjonsmusikken frå Gudbrandsdalen og begge beina trygt planta i ei leikande og livsnær musikalitet. Musikken hans er ei unik blanding av tradisjon og nyskaping, med røter i djupe åndelege kjelder. Det åttande soloalbumet hans, Peace Love & Justice (VDCD 3), har fått strålande kritikkar både i Noreg og internasjonalt.

Opsahl starta karrieren som profesjonell musikar i 1982 då han var med på å etablere Caledonia Jazzband. Med bandet har han turnert landet rundt, gjeve ut fleire album og spela konsertar både i Noreg og internasjonalt. I 1986 budde han i New Orleans, der han spelte med fleire av dei fremste brassbanda i byen. For innsatsen sin for musikk- og kulturlivet vart han utnemnd til æresborgar av New Orleans. I 1992 var han med på å etablere det banebrytande folkemusikkensemblet Chateau Neuf Spelemannslag, som òg har turnert mykje og gjeve ut fleire kritikarroste album.

Dei siste tjue åra har Opsahl bygd opp ein omfattande solokarriere. Samstundes har han fordjupa seg i norsk tradisjonsmusikk, særleg slåttemusikken frå Gudbrandsdalen. Han studerte ved Ole Bull Akademiet på Voss med Aslak O. Brimi som læremeister. Fleire av slåttane han lærte av Brimi, er å høyre på albumet #23, som han gav ut saman med trekkspelaren Jo Asgeir Lie.

Under Aalesund Folk Festival blir Carl Petter Opsahl å høyre på fleire av konsertane. Han speler mellom anna saman med Jo Asgeir Lie under festivalførespelet torsdag og medverkar på hovudkonserten laurdag. Som prest leier han òg folkemusikkgudstenesta på sundag.